"آذار الشعّار"

(بمناسبة يوم الشعر العالمي في 28 آذار من كل عام)

مرّة كنت... بمرج الزّهر

مع رفقاتي وكنّا صغار

عينيّي بوردات الحمر

لكن أفكاري بمشوار

فجأة شعرت بموجة عطر

نادتني من بين كتار

حملتني ع بساط السحر

طارت فيي وقلبي طار

ومن يوما استحليت الأسر

وسجنا المزروع بأسرار

***********************

سرّ العطر بسرّ الشهر

المعروف بإسمو "آذار"

ربيع الدنيّي والشعر 

بيحتفلوا بـ هـ الشهر نهار

وبصيروا ع دروب العمر

جنينة أزهار وأفكار

واْن صدفت ع حفافي السطر

اجتمعوا الأشعار بنوّار

بِتْزَهّر أشجار الفكر

وبِتْـ هفّ عطور الأشعار

مقالات قد تثير اهتمامك