طلاق ممثلة سورية بعد زواج ليوم واحد بسبب عذريتها

أعلنت الممثلة السورية تولين بكري عن طلاقها عبر صفحتها الرسمية على "فايسبوك"، وذلك بعد مرور  يوم واحد على زواجها، بسبب تدخل والدة العريس التي رفضت أن تكون "كنتها" إمرأة مطلقة وفاقدة للعذرية.
تولين بكري سردت التفاصيل التي أوصلتها إلى أبغض الحلال، وكتبت" رفقاتي...حبايبي..لكل اللي فرحولي من قلبون..ولكل اللي باركولي وتمنولي الخير..بقول..ومتل ما كنتوا معي نضاف وبقلب صافي وبمحبة فرحتوا لفرحي أنا واجبي بادلكم بنفس الصدق والصفاء وشيل كل تساؤل واشارة استفهام عم تفكروا فيها..بما أني بعد يوم من إعلان زواجي شلت كل الصور ..أنا رح واجه مشكلتي معكم لأنو أد ماخبيت مافي شي بيدوم..ومافي داعي لخبي لأني ماغلطت..بالعكس..أنا متلي متل أيا أنثى..بتحلم بالاستقرار والأمان والدفا والعيلة والحب..ارتبطت شرعآ بشب أبن عالم وناس وتزوجنا بعد ما تقدملي بشكل رسمي وحكا مع أهلي وطلبني على سنة الله ورسوله..ولكن للأسف كان لأهل هالشب اعتراض عليي ومآخذ..بما أنني مطلقة وممثلة و..و..الخ..واجبروه على فسخ عقد الزواج القائم بيننا..ماعندي شي خبيه لأني ماغلطت كل ذنبي كان أني طلبت الحلال مع هالشب..وبالنهاية كل شي لخير أكيد. وقسمة ونصيب.بس حابة قول لكل أم عندها شب عم تدور لأبنها على عروس من وجهة نظرها أخلاق هالعروس بتنطلق من عذريتها بحب قول لهالأم..ياسيدتي عذرية الروح أهم بكتير من عذرية الجسد...وبعتذر من أهلي قدام الكل لأني حطيتون بهالموقف بدون أي ذنب..شكرآ".
وكانت صور حفل زفاف الفنانة تولين بكري من رجل الاعمال السوري مجد بدور، محطّ سخرية رواد وسائل التواصل الإجتماعي، بسبب بطنها المنتفخ، حيث تساءل البعض "هل تولين حامل في يوم زفافها!"، بينما علق البعض الآخر "تولين تتزوج على الطريقة التركية" أي بعد حملها.
يشار الى ان طلاق تولين هو  الخامس بين فنانات الوسط الفني السوري، حيث وقع بعد نحو أقل من شهرين من طلاق نظلي الرواس وجلال شمّوط، وقبلهما رواد عليو، وأمل عرفة وعبد المنعم عمايري، وجيني إسبر والمنتج عماد ضحية.

مقالات قد تثير اهتمامك