شيرين عبد الوهاب في الكويت وبهاء الدين محمد يكّذب عمرو مصطفى

بعد هجومه على الفنانة شيرين عبد الوهاب، وجه الشاعر بهاء الدين محمد رسالة إلى الملحن عمرو مصطفى عبر صفحته على "فايسبوك"، متهماً إياه بفبركة أمور لم تحصل، كما طالبه بالإعتذار.

وقال الشاعر في رسالته "الفايسبوكية":

 أولا: فوجئت على أكثر من موقع إعلامي وصحفي إنك ذكرت اسمى واسم الأستاذ المنتج نصر محروس كشهود على وقائع لم تحدث وإدعاءات غير صادقة تمس شخص الفنانة المطربة شيرين عبد الوهاب بصورة غير حضارية ولا فنية.

ثانياً : على ما أتذكر إنك ماكنتش لسه موجود كملحن فى الفترة اللي بدأت شيرين فيها وجودها الفنى ولو كنت موجوداً كملحن فى بدايتك أظن من الصعب على شخصي وشخص نصر محروس إننا نتحايل عليك تسمع صوتها وهذا كلام غير صحيح، ومش ح اتكلم عن الكلام التاني اللى أنت كتبته عن شيرين وتناولته المواقع والصحف اللى مايصحش أكرره تانى لعدم صحته ولبواخته وتهوره.

ثالثاً: شيرين عبد الوهاب مطربة لها مكانتها ووجودها اللي أظن هجومك عليها بالأسلوب والمستوى ده كان تهور غير محسوب!

رابعاً: نصيحة من أخ أكبر ليك: ما تخسرش المحترمين بتهور لأن الدنيا مابقاش فيها ناس كتير يستاهلوا نحافظ عليهم، وماعندناش نجوم كتير في نفس المكانة.. والمفروض فنان باسمك وحجمك لازم يحاسب ويحافظ على صورتنا وصور نجومنا قدام الناس والوطن العربى وأخيراً منتظر منك الاعتذار للجميع لأني أثق إنك بتحترم الكبار" .

خامساً: اخترت ردي يكون بنفس الاسلوب اللى اتبعته فى هجومك على شيرين وذكر اسمنا كشهود على وقائع لم تحدث، وفي انتظار اعتذار الفنان اللي جواك .
من ناحية أخرى، وصلت شيرين عبد الوهاب إلى الكويت للمشاركة في مهرجان "هلا فبرير" .

مقالات قد تثير اهتمامك