سخرية من اليسا بعد نعيها لكلبتها "ليدي"

لم تكد تعلن الفنانة اليسا وفاة كلبتها "ليدي" وحزنها الكبير عليها، حتى أطل الكوميدي الأردنيّ عمر زوربا عبر حسابه على "فايسبوك" ساخراً من اليسا و"ليدي".

وكتب زوربا “الكلبة Lady تبعت الفنانه اليسا ماتت اليوم، اليسا عايشة حاليا بلحظة حزن شديدة حتى رافضه تظهر للإعلام، وفي كثير من الوسط الفني راحو زاروها يواسوها في مصيبتها، وبيقولو دموعها مش راضيه تنشف. هاي الكلبة ليدي قبل هالمره ضاعت ساعتين، اليسا عملت حالة طوارئ بلبنان مشانها”. وتابع: “انا مره ضعت 9 ساعات، واخدوني عالجامع، ونادو ع اسمي، وما حدا سأل، بالاخر رجعت عالبيت، لقيت الوضع جدا عادي، ابوي بس شافني سألني عن ريشة دريل ضايعه، وامي قالتلي روح اطلب علبة ثلج من ام وائل جارتنا!”.
وأضاف زوبا "يا جماعة وحدو الله انا كنت ضايع وعطشان!! وفي ولد قرصني من شسمو ورش عليي مي وتراب!! انا كنت رح اموت، وفي ولاد مسكوني وحطوني حارس عالچول ساعتين، وصارو يشوتو عليي الفطبل سلخ. يلا يا عمي الدنيا حظوظ. آر آي بي ليدي!! والله يصبرك يا اليسا، إن شاء الله بكرا بتجيبي غيرها وبتسميها ليدي ومع الوقت بتنسي".

 

مقالات قد تثير اهتمامك