" ما كنت قول نْهار بتْفلّي، ويخلص الصبح وْتنعَس الفلّه!

واتطلّع ولاقي قبالي البابْ، راكع على العَتبه عم يْصَلّي!

ويصيرْ يسألني عندْ لغيابْ، أيْمتينْ بدِّك ترجعي تْطلّي؟؟

إمي.. إمي.. إمي.. 

من بعدْ ما كِبر القَسا ببقى لَحالي، بسأَل العَتْمه: ليش بيفلّ المَسا وبيروحْ مَ بْيتركْ وَلا نجمه؟

كلّ نجمه بْهَالسما إنتي وْشو العمرْ، لَو مَ بْهالعمرْ كنتي؟!

بتْقلِّك العَتبه:غَطّى الشتي قَلبي

وْضلّي تَتخلص هَالدني ضَلّي!"

بهذه الكلمات التي كتبها الشاعر اللبناني جرمانوس جرمانوس تشدو المطربة ماجدة الرومي حنينها لوالدتها في الذكرى الأولى لرحيلها، لحن لها الكلمات الفنان مروان خوري ووزعها الموسيقي ميشال فاضل. بالأمس نشرت الأغنية على قناة الفنانة على موقع يوتيوب.

نستمع إليها معاً على هذا الرابط.