ريما الرحباني عبر فايسبوك: "زياد أخي وكلكن برا"!

بعد أن غابت أشهراً عن مواقع التواصل الاجتماعي عادت المخرجة ريما الرحباني لكتابة التدوينات ولجذب كل الانظار إلى صفحاتها وفي تدوينة لها نشرتها مساء أمس على موقع فايسبوك عبّرت ابنة الفنانة الكبيرة فيروز عن استغرابها للاهتمام بتفاصيل تعليقات وردود تكتبها وصياغة منها خبر"لتجييش هالناس ضدي"، كما ردت ريما على منتقديها وعلى "يلي بيستعملو" اسم (الفنان) زياد (الرحباني) ع الطالع والنازل كطريقة جديدة للهجوم والتجييش بعدما فرغوا فيه ع مر الزمن كل شي في بشاعة وحقد..  فكمان خلوا عنكن واهتموا بشؤونكن الخاصة وخيطوا بغير هالمسلة  زياد أخي وكلكن برا"ونورد فيما يلي التدوينة كما وردت على الصفحة الخاصة بريما الرحباني:
"في ناس اعتقدوا اني اختفيت ومش راجعة .. وإذ... بونسوااااار 
وكمان إعتقدوا انو اذا بيشنوا هجوم عليي بيسكتوني او بيخوفوني او بيزعلوني  
ما عارفين يا حرام انو آراءهن مش قاريتا ولا عندي وقت اقراها لأني انا بالقليلة بشتغل! منيح وحيش.. الزمن بيقول اكيد مش هني  بس هني شو عاملين او شو بيعملوا؟ غير التنكيش بالبوستات اللي ما الن فيها؟ مين اللي قاعد فاضي وراضي كلما نطقت بحرف ان كان ببوست او بكومنت مخفي تحت سابع ارض..ان كان مزح وهزار أو ان كان جد.. بياخدو بيصيغ منو خبر ع ذوقو وبيجيش هالناس ضدي..عن جد كتير حلو  ميرسي كتير هاي في ناس بيدفعوا حقا مصاري انا طالعتلي ببلاش انا وقاعدة بالبيت وبكبسة زر! لاعلاقات عامة ولاعشوات ولا غدوات ولا مقابلات 
ع قلب مين قاعدة يا ترى؟؟؟مين؟؟مين؟؟؟مين؟؟؟؟؟  
همممممم...عن جد ميرسي كتير بس انو هلقد في فراغ بالاخبار تينكشوا بوست فيه ميتين تعليق انا ما عم لاقي تعليقاتي بيناتن ويعنونوه؟ مش قليل! ويجيشوا الناس ضدي فكرن هيك بسكت؟؟ كلما افتح تمي يلا.. شو ما قلت يلا.. شو ما عملت او ما عملت يلا يا أعزائي بشرى عاطلة لما بدي احكي رح احكي ومتلما ما بيحلالي على صفحتي الشخصية اللي بإسمي الشخصي واللي بحب هزر فيها متلما ما بيحلالي مش متلما بيحلالكن لا ادعيت اني ملكة بترا ولا اني شهرزاد ولا رح اتصنع بالكلام تيعجبكن اللي بقولوا فاللي ما عاجبوا ما يفوت ع صفحتي الشخصية بكل بساطة فيها شي؟  
اما للغيارى على فيروز وعاصي وصايرين عم يتكاتروا  ما تشيلوا همن هني بألف خير ورح يبقوا بألف خير. ولا معاوزينكن تحملوا رايتهن ولا معاوزيني.. وللغيارى على زياد وصايرين بيستعملوا إسمو ع الطالع والنازل كطريقة جديدة للهجوم والتجييش بعدما فرغوا فيه ع مر الزمن كل شي في بشاعة وحقد.. فكمان خلوا عنكن واهتموا بشؤونكن الخاصة وخيطوا بغير هالمسلة  زياد أخي وكلكن برا 
غيرو؟ وصونا؟ "

وكان انتشر تعليقاً لريما الرحباني قيل انه ردت به على احد الأشخاص بعد إنتقاده ألبوم السيدة ​فيروز​ الأخير، فكتبت: "بعيد الشر عن قلبو ومع مين بدنا نتسلى الليلة؟ أنا بقول حط عقلو براسو وعم يطبع ديوان الشعر بلكي الطبعة الاولى منهديها ل​إليسا​ تغنيها مللي بتحل عن أغاني فيروز ومللي حرام بيجلس تما شوي".

ويبدو أن هذا التعليق كما جر ردوداً كثيرة أمس فإن سبحته ستكون حرزانة على مدى الأيام المقبلة.

مقالات قد تثير اهتمامك