كتب ملحم جونيور، الإبن الأصغر للموسيقار الراحل ملحم بركات، عبر صفحته الخاصة بموقع التواصل الاجتماعي فيسبوك رسالة شديدة اللهجة وجهها للشاعر نزار فرنسيس، وجاء فيها:

"نزار فرنسيس ما رح سامحك عاللي عم بتقولو، كنت قلّك عمّو وأستاذ بس هلق انت ما بتستاهلن لأنك انت منّك رفيق بيّي ومنّك حقّاوي.. انت هلق ومبيّن انو كنت مصلحجي، بعود عن إمّي أحسنلك وما تدخلّها بمشاكل ناس مريضة نفسياّ بشي اسمه مي حريري نقطة ضعف بيّي. كانت نقطة ضعف بيي لآخر نفس بحياته (انت بتعرف انو امّي ما تدخّلت بشي، وانت بتعرف شو انت حاكي لأمي عن رندة مرت بيي الله يرحمه".

وأضاف "فما تلعب دورين لأنو آخر شي نحنا عيلة ورح نرجع لبعض وانت برا، شايفينك كيف لازق بكل التلفزيونات عم تحكي باسم بيي والعيلة، بس لما اكتشفت رندة انه انت عندك وجهين وعندك مصلحتك، عم بتفش خلقك بأكتر شخص ممكن يرضيها لرندة تترضيها. انتبه ما تروّح مسيرتك الفنيّة تندفن مع بابا الله يرحمو. خلّيك رجّال واحكي الحق او التزم الصمت للأبد".

وتابع "وانت خليك عجنب ركز عمستقبلك ومستقبل بنتك يللي عم بتحاول تشهرها باسم بيي يللي انا مش موافق عليه. انا ملحم ملحم بركات ما بقبل تستعمل اسم بيي من هلق، إلا ما تعتذر من امي صحافياً بكل احترام لأنو هي ما كانت إلا جداً محترمة معك. وانت بتعرف انها اكتر انسانة عانت من وقت ما مرض بيي تكون نفسو بالسما وبكيت دم، والله يسامحك لأنو ما تنسى بابا شايف كل شي، وللأسف قلمك ما طلع متل نفسيتك".

وختم ملحم جونيور الرسالة بالقول "ارجوك نزار فرنسيس خذ هذا الكلام بجديّة".

جاء كلام ملحم جونيور رداً على تصريح صحافي للشاعر نزار فرنسيس يقول فيه ان المشكلة في عائلة الموسيقار الراحل سببها مي حريري والدة ملحم جونيور، وأنّ لا مشكلة مع عائلة بركات مع "ملحم جونيور" بل مع زوجته السابقة المغنية مي حريري. بل ان "المشكلة في الموضوع هو تدخّل حريري، في وقت يعتبرها أبناء بركات (من السيدة رندة) ماضياً، ودخولها أوجد أزمة بين الأخوة".
وختم: "آن الأوان أن تريح حريري عائلة ملحم بركات من المشاكل".